newstaraz.kz

 
 

Қытайлық спортшы Сапарбаевқа қазақ тілін үйреніп аламын деп уәде берді (видео)


pogudx6gv88ed6gsb.d88b381b
  23.08.2016 NewsTaraz.kz.
Фархад Харки. Фото: NUR.KZ

Кеше ақтөбеліктер әуежайдан Рио Олимпиадасының қола  жүлдегері Фархад Харкиді күтіп алды. Ауыр атлет Қазақстан құрамасында жаттығып, Ақтөбенің атынан қатысқан болатын.

Ұшақтан түскен спортшыны ақын Жұлдыз Қожабекова «Алаштың асыл Фархады» деп Айнұр Тұрсынбаеваның мақамымен өлеңдетіп күтіп алды деп хабарлайды NUR.KZ.

«Мен бірінші орын алуды армандадым. Алдағы Олимпиадада осы арманымды жүзеге асырамын деп ойлаймын. Жеңісімді «папа Талғат» деп атап кеткен алғашқы бапкеріме арнаймын. Маған қолдау білдірген барлықтарыңызға рахмет. Мен Қырғызстанның Ош қаласында тудым. Көбіне құрама командамен бірге Алматы қаласында жаттықтым. Келесі Олимпиада да Ақтөбенің атынан шығамын. Қазақ тілін үйреніп, Қазақстанның намысын қорғаймын», — дейді ауыр атлет Фархад Харки.

62 келі салмақта үздік үштікке енген Фархад Харкидің жаттықтырушылары оның 2020 жылы өтетін Токиодағы Олимпиадада жасындай жарқырайтынын айтады.

Фархад Харкиді Бердібек Сапарбаев күтіп алды. Фото: NUR.KZ

«Ол қоссайыста 305 келі көтергенімен, оның жұлқа көтеруге әлі 15 келідей қосуға мүмкіндігі бар. Жарақат алмай келесі жылдан бастап дайындалса, жетістігіміз бұдан да жоғары болады», — дейді спорт ардагері Қадіржан Ізғарин.

ХХХІ жазғы Олимпиадада ойындарынан 22-ші орын алған Қазақстан құрама командасының спортшыларын халық үлкен қошеметпен күтіп алып жатыр. Ақтөбеде де Қазақстанға қола сыйлаған Фархадтың құрметіне автошеру ұйымдастырылды.

«Дүние жүзін дүрліктірген Бразилиядағы олимпиада ойындары бітті. Екі жүзден аса мемлекет қатысқан бәсекеде Қазақстан 22-ші орын алды. Бұл Қазақстанның тарихында болмаған көрсеткіш. Ақтөбенің атынан қатысқан Фархад бауырымыздың қола әкелгені үлкен қуаныш. Біз ойлаймыз, Фархадтың бүгінгі жеңісі жастарға үлгі болады. Бұл Ақтөбенің бірінші жеңісі деп есептейміз. Бұл жеңістердің соңы емес. Құдай бұйыртса, келесі Токиода болатын Олимпиада ойындарында Ақтөбенің спортшылары үлкен жеңіске жетеді деп сенейік. Бәріміз спортты қолдасақ мемлекетіміздің абыройы өседі», -деді Бердібек Сапарбаев.

(просмотры 2 за всё время, 1 Смотрели сегодня)

Источник →  newstaraz.kz


Источник →  newstaraz.kz


 

Больше новостей →  newstaraz.kz

 

Уважаемые посетители newstaraz.kz ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

 

Добавить комментарий

Ваш e-mail не будет опубликован. Обязательные поля помечены *


   

NewsTaraz