newstaraz.kz

 
 

Стивен Сигал: Бесбармақ – мен жеген тамақтардың ең дәмдісі (фото)


pogudxv18rjseeofk.ff29d459
  07.09.2016 NewsTaraz.kz.
Стивен Сигал Бішкекте. Фото: BNews.kz

Голливуд актері Стивен Сигал Бішкекте өткен баспасөз мәслихатында өзінің айкидодан Қырғызстанның бас нұсқаушысы болғандығын мәлімдеді деп хабарлайды BNews.kz.

Танымал АҚШ актері Ыстықкөл облысында өтіп жатқан ІІ Дүниежүзілік көшпенділер ойындарына қадірлі қонақ ретінде қатысып жатыр.

«Қырғыз республикасының президенті Алмазбек Атамбаевқа алғысымды білдіремін. Ол азамат маған сіздердің елдеріңізбен танысуға мүмкіндік берді. Мен Қырғызстанды ұнатып қалдым. Бесбармақ – мен жеген тамақтардың ең дәмдісі. Біз президентпен философиялық тақырыпта сөйлестік. Оған шексіз алғысымды білдіремін!», – деді Сигал.

Сонымен қатар, америкалық актер болашақ жоспарларымен бөлісті.

Стивен Сигал Бішкекте. Фото: BNews.kz

«Біз Садық Шер-Ниязбен алдағы уақытта не түсіретініміз жайлы келіссөз жүргізіп жатырмыз. Бізге кез-келген жастағы адамдар қажет болуы мүмкін. Яғни, жасы үлкендер де, ересектер де, жастар да керек. Өндіріс барысында бұлардың бәрі бізге қажет болады», – деді ол.

Алайда әлемге әйгілі актер әрі режиссер Садық беймен бірлескен жобаларының атауын құпия қалдыруды жөн санады. Сондай-ақ, Стивен Сигал журналистерге айкидодан Қырғызстанның бас нұсқаушысы болғанын айтты. Бұл әлемнің әр тарапынан келген журналистер үшін расында үлкен жаңалық болды. Ал өзінің үнемі көшпенділерге бүйрегі бұрып тұратынын тегіне тартатынымен байланыстырды.

Стивен Сигал Бішкекте. Фото: BNews.kz

«Менің әкем – бурят, шешем – үндіс. Сондықтан менің де ата-бабам көшпенді болған. Яғни, мен де одан алыс болмауым керек. Менің ойымша, дүниежүзілік көшпенділер ойындарын өткізу өте дұрыс шешім деп санаймын. Қалай өмір сүру керегін түсіну үшін, әуелі бізге қайдан шыққанымызды білу қажет», –  деп түйіндеді сөзін атақты Голливуд актері.

Естеріңізге сала кетейік, Қырғызстанның Чолпан Ата қаласында ІІ Дүниежүзілік көшпенділер ойыны өтіп жатыр. Жаһандық жарысқа 58-ден астам елдің 600-ге тарта спортшысы қатысуда. Олар 25 спорт түрінен бақ сынайды. Халықаралық іргелі шара туралы жаһанның 35 елінен көптеген белгілі ақпарат құралдары хабар таратуда. Дүбірлі додада Қазақстанның намысын 75 спортшы қорғайды.

Материал авторы: Дәурен Ерболат

(просмотры 1 за всё время, 1 Смотрели сегодня)

Источник →  newstaraz.kz


Источник →  newstaraz.kz


 

Больше новостей →  newstaraz.kz

 

Уважаемые посетители newstaraz.kz ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

 

Добавить комментарий

Ваш e-mail не будет опубликован. Обязательные поля помечены *


   

NewsTaraz