newstaraz.kz

 
 

Бизнесмендер: Қазақ тілінде білім алған жастар беделді оқу орнына түсе алмайды


pogudx7d14ds63e6j.0078faea
  28.05.2016 NewsTaraz.kz.

Қазақстанның танымал бизнес өкілдері тіл мәселесіне тағы араласа бастады. «Үштілділік» саясатын қолдаймыз деп отырған кәсіпкерлер, шалғай елдімекендерде таза қазақ тілінде білім алған жастар беделді оқу орындарына түсе алмайды дейді.

Бұл туралы 31 арна хабарлайды.

Сол себепті мектептер мен жоғарғы оқу орындарында, әсіресе, ағылшын тілдерін жетік оқыту керектігін алға тартқан. Дегенмен бұл бастаманы танымал қоғам белсенділері қауіпті санап, үзілді-кесілді қарсылық танытып отыр.

«Үштілділікті» қолдап хат жолдаған елдегі ірі кәсіпкерлер тіл саясаты қазірдің өзінде нәтижесін беріп жатыр дейді. Отандық танымал бизнесмендер атынан бастама ұсынғандардың ішінде Арманжан Байтасов, Кеңес Рақышев, тіпті мәдени шараларға жаны қалмай демеушілік танытып жүретін Исламбек Салжановтар бар.

Бұл топтың айтуынша, «Үштілділік» саясатын енгізбей әлемдік өркениетке ілесе алмайды екенбіз. Ал саясаттанушы Әзімбай Ғали кәсіпкерлердің бұл бастамасы қауіпті екенін айтады.

«Оның ешқандай демократияшыл бағыты жоқ. Жалпы қазақ мәселесін шешпей, не саяси реформа, не экономикалық реформа Қазақстанда жүрмейді. Бір қызығы 90-жылдардың ортасына таман тағы да осындай бастама болған. Ол кезде 90-жылдардың экономикалық дағдарысы болған», — дейді саясаттанушы Әзімбай Ғали.

1994 жылы Болат Әбілев бастаған кәсіпкерлер орыс тілін мемлекеттік тіл етуге талпынған. Ол кезде де тың ұсынысты ешкім қолдап кетпеді. Саясаттанушы қазақ тіліне тұсау болу — ұлтты сыйламаумен тең деп есептейді. Ал көпшілік арасында кәсіпкерлер ұсынысын қолдайтындар некен-саяқ.

Қазіргі таңда орташа есеппен қазақ балаларының 90 пайызы қазақ мектептеріне барады. Бұл енді-енді түзеліп келе жатқан ахуал. Ал өзге тілдердің дамуын қос қолдап қолдап отырған кәсіпкерлердің кейбірі мемлекеттік тілге шорқақ екенін алға тартады мамандар. Әрі «Үштілділік» саясаты мектеп бағдарламасына енгізілсе, көпшілік мемлекеттік тілдің аясы тарыла ма деп алаңдайды.

(просмотры 1 за всё время, 1 Смотрели сегодня)

Источник →  newstaraz.kz


Источник →  newstaraz.kz


 

Больше новостей →  newstaraz.kz

 

Уважаемые посетители newstaraz.kz ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

 

Добавить комментарий

Ваш e-mail не будет опубликован. Обязательные поля помечены *


   

NewsTaraz