newstaraz.kz

 
 

Америка түрмесінде жазасын өтеп шыққан Азамат Тәжаяқов елге оралды (фото)


pogudx4o05nge45o4.c28aae71
  17.06.2016 NewsTaraz.kz.

Америка түрмесінде отырған қазақ студенті аман-есен елге оралды. АҚШ-та лаңкестік оқиғаға қатысты айыпталып, үш жарым жылға сотталған Азамат Тәжаяқов жаза мерзімін толық өтеген. Сондықтан жас жігіт бостандыққа шығып, бүгін таңсәріде Алматыға ұшып келді.

Бұл туралы КТК арнасы хабарлайды.

Азамат Тәжаяқов мінген ұшақ Алматы әуежайына таңғы сағат 5:30- да қонды. Жат жерде жазықты болып, түрмеге тоғытылған ұлдарын қарсы алуға ата-анасы мен туыстары тайлы-тұяғы қалмай түгел келген. Бірнеше жылдан кейін туған жерге табаны алғаш тиген Азамат ұшақтан түсе салысымен ағайындарымен арқа-жарқа құшақтасып, ақтан дәм татты. 2013 жылдан бері АҚШ-та қамауда болған ол басына үйірілген қара бұлттың сейілгенін енді ғана сезінгендей.

Скриншот КТК арнасынан алынды

«Қазір жүрегім тоқтап қалардай болып тұр. Қатты соғып жатыр. Қуанышымда шек жоқ. Келіп күтіп алғандарыңызға рахмет. Әкеме қоңырау шалып жағдайымды біліп тұрғандарыңызға рахмет. 3,5 жыл болды Қазақстанда болмағаныма. Ет жеп демалып, қымыз ішіп жатқым келеді», — дейді Азамат Тәжаяқов.

АҚШ-қа білім аламын деп барып, басы бәлеге қалған ұлымен қайта қауышқан ата-ананың да қуанышында шек жоқ. Себебі олар 3 жыл бойы күндіз күлкіден, түнде ұйқыдан айырған көкейдегі кірбіңнен арылып отыр. Сондықтан Әмір Ысмағұлов баласының тілеуін тілеген барша халыққа алғыс айтып, ағынан жарылды.

Скриншот КТК арнасынан алынды

«Біздің отбасы үшін бүгін ең бақытты күн. Мен президент Нұрсұлтан Назарбаевқа үлкен рахмет айтқым келеді. Өйткені балалар 25 жыл алуы мүмкін еді. Содан кейін Бас прокуратураға, Сыртқы істер министрлігіне рахмет айтқым келеді. Және қазақ халқына рахметімді айтамын», — деді  Азамат Тәжаяқовтың әкесі Әмір Ысмағұлов.

Азамат Тәжаяқов түрмеде текке жатпай тіл меңгерген екен. Яғни ағылшыннан бөлек испан, қытай тілдерін үйренген. Сондықтан алдағы уақытта білімін сол Қытайда жетілдіруі мүмкін. Себебі мұхиттың арғы бетіне енді қайтып бара алмайды.

«Ол 2 жыл оқуын оқыды. Бірақ енді ол Америкада оқымайды. Ол басқа жақта оқиды», — дейді Азаматтың әкесі.

Скриншот КТК арнасынан алынды

2013 жылдың сәуірінде Бостондағы марафон кезінде жарылыс болып, 4 адам қаза тапқан. Лаңкестік әрекетті ұйымдастырған ағайынды Царнаевтардың үлкені Тамерлан құрықтау шарасы кезінде өлсе, кішісі Жохарды АҚШ соты оны өлім жазасына кесті. Ал екі қазақ студенті — Азамат Тәжаяқов пен Диас Қадырбав осы кіші Царнаевқа көмектесті деген айыппен жазаға тартылған болатын.

Қазір Америка түрмесінде тағы бір отандасымыз жазасын өтеп жатыр. Диас Қадырбаев та Бостондағы оқиғаға қатысты терроризм бабы бойынша айыпталып, 6 жылға бас бостандығынан айырылған болатын. Сондықтан ол енді 2 жылдан кейін елге оралмақ. Ал жазадан толық құтылған Азамат Тәжаяқов бүгін түнде туған жері Атырау облысына жол таратады. Себебі ол үшін 3 жарым жылдан аса уақытқа созылған азапты күндер осымен аяқталды.

(просмотры 1 за всё время, 1 Смотрели сегодня)

Источник →  newstaraz.kz


Источник →  newstaraz.kz


 

Больше новостей →  newstaraz.kz

 

Уважаемые посетители newstaraz.kz ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

 

Добавить комментарий

Ваш e-mail не будет опубликован. Обязательные поля помечены *


   

NewsTaraz